يمكن ما اكون بحالتي النفسيه المناسبة وقت ما كتبت هالموضوع ,,
بس وقسم بالله شي لا يطاق !
فرحنا بالـ 4 ميجا ,, وقلنا اشوا بدينا نتطور !
بس وش تطورهـ ووش خرابيطه ,,
اصحى من نومي اغسل وجهي واجي ابي أشيك على ايميلي لاني انتظر رساله مهمه ,,
اتفاجأ بعطل بالانترنت ,, اطفي المودم ,, واشغله ,, وارجع اطفيه واشغله ,, اشيك على الاسلاك ,,
افصل واشبك ,, بس بدون اي فايدهـ ,,
قمت اجرب المواقع المحليه اذا تفتح والا لا !
طلعت كلها شغاله ,, اجل المشكلة وين ؟!
تذكرت ان موقع بوابة الانترنت الرقميه مستضافة لدى سعودي نت ,, ودام موقع سعودي نت فتح معي ان شاء الله راح يفتح معي موقعهم ,,
المهم دخلت وجلست اتصفح ,, من هنا ومن هناك ,,
الين توصلت ان المشكلة من شركة الاتصالات السعودية !!
المشكلة :: مشكلة رئيسية لدى الاتصالات السعودية على وصلات الانترنت الدولية تسببت في انقطاع التصفح للمواقع الدولية.
نوع المشكلة :: انقطاع الخدمة
مسبب المشكلة :: شركة الاتصالات السعودية !!
وقتها: من :: 3-8-2007 الوقت: 1:30
إلى :: وقت غير محدد
الى وقت كتابتي هذهـ التدوينة ,, الساعه الان :: الرابعه والنصف فجراً !!
ملاحظة :: كاتبها بملف مفكرهـ ترى ,, : p
طيب معقوله هالعطل صاير يطلع لنا كل يومين !
يعني مجبورين كل يومين نوقف عن النت كم ساعه ؟!
ياليت لو احد يقدر يجاوبني على سؤالي !!